بسكوت السويسرول

بسكويت سويسرول

المقادير

2 كوب دقيق
1/2 كوب سكر
1/3 كوب زبدة (او زيت لو حبيتى)
1/4 - 1/2 كوب حليب
1 بيضة
ملعقة طعام كاكاو
2 ملعقة صغيرة بيكنج بودر
ذرة ملح, فانيليا

الطريقة

طبعا ياقمرات حفظتونى وعرفتونى بحب الخص واخلص... يعنى كله على الفودبروسيسور عدا الحليب والبيضة والكاكاو واخلطيهم سوا كويس
بعدين ضيفى البيضة واخلطى تانى, وبعدين ابدأى بإضافة الحليب تدريجيا الى ان تتوصلى لعجينة متماسكة وناعمة, خذى نصفها واخلطيه بالكاكاو
لاحظى انك ستحتاجى القليل من الحليب للجزء المضاف اليه الكاكاو لأنه سييبس معك
اكملى عجن بيديك حتى تنعم العجينة معك (الخطوة دى مهمة... الفودبروسيسور وظيفتها توفير المرحلة الخاصة بتجانس وتمازج المكونات فقط, لكن بعد كدا العجن باليد بيكون افضل)
وآدى النصفين من العجينة

بنسيبها ترتاح نصف ساعة فى الثلاجة ثم نبتدى الشغل

نأخذ كرة من كل لون ونفردها رقيق جدا بالنشابة

الصورة دى توضح لكم السمك المطلوب الوصول له

بعد كدا ضعى الدائرتين فوق بعض

وابتدى لفيها رول بالشكل دا

ثم بالقطاعة او السكين ابتدى قطعيها ترنشات سمك نصف سم

شفتى شكلها يشبه السويسرول ازاى؟؟
رتبيها فى صاج او صينية الخبز, ومتنسيش تسيبى مسافات بين الوحدات

اخبزيها فى فرن حار سابق التسخين (200 درجة تقريبا) الى ان يحمر القاع وتلون خفيف
اخرجيها من الفرن

شايفين الحجم كبر ازاى وقربوا يلتصقوا فى بعض؟؟

اتفضلوا السرفيس دا منى لكم ياحبيباتى, شاركونا فى بسكويت السويسرول

يارب يعجبكم والف هنا وشفا

» بسكوت بالحبهان
» بسكوت سابلية
» بسكوت اصابع الست